Un khaton ka main kya karoon

Un khaton ka main kya karoon 
jo kabhi tumne mujhe likhe the 
kabhi un khaton mein tumhara sparsh tha 
likhe hue har shabd mein tumhara ehasas tha 
wo khat kabhi mujhe jannat ki sair karate the 
apne pyar ke sath jeene ki kala sikhate the 
safed, gulabi pannon par neeli syahi ki chamak 
taaron se bhi jyada chamkili thi 
aaj we panney peele par gaye 
neeli syahi ki chamak bhi syah ho gayi 
ab tum bhi dhoondhle hi nazar aate ho 
kabhi khaton mein hum tum sath the 
aaj sath hoker bhi door nazar aate ho 
ab un khaton mein jindagi nazar aati nahin 
tumhi batao in bejan pannon ka main kya karoon 
jab main bejan ho jaon to 
jala dena inhe bhi mere sath 
taki us duniya mein bhi main 
in khaton ke sath jee jaon.....